Jatorriz, "Uda Lekuko laguntzaileak" deitutako Seaskako komisioak udako opor garaietan egonaldiak antolatzen zituen, ingurumen ez euskalduna zuten haurrek hutsunerik ukan ez zezaten.
1983an komisio hau elkarte bilakatu da UDA LEKU izenean, helburua izanki euskarazko aisialdi ezberdinak antolatzea (egonaldiak, bilguneak eta beste animazio ezberdinak) urte osoan zehar haur euskaldun guzientzat.
Urtez urte, Uda Leku lurraldeko familien behar eta nahieri egokitu da, aktibitate aniztasuna proposatuz.
Gaur egun, egonaldiak neguan zein udan antolatzen ditugu, 6-15 urte arteko haur eta gazteentzat, gai ezberdinen inguruan: lerra kirolak (eskia, surf), zirkoa, natura, zaldia, abenturak, hegoaldeko gazteekin topaketak etb. Egonaldi gehienak Ipar Euskal Herrian kokatuak dira, salbuespen batzuekin.
Uda Lekuk atxikimendu azkarra du egonaldientzat:
Lapurdin kokatuak diren 4 bilgune ditugu. Bakoitzari buruzko xehetasun gehiagorako doakien atalera jo dezakezu.
