Animatzaile Izateko Gaitasun Agiria (A.I.G.A)

Norentzat eta zertarako?

Animazioan formatu nahi duen eta guttienez 16 urte dituen edozoin pertsonentzako agiria da (lehenen egunean).**

Helburuak

• animatzaile funtzioa eta animazio taldean duen errola ezagutu;
• haurren beharrak hobekiago ulertu;
• zure hautu pedagogikoak definitu
• animazio teknikak ezagutu eta haurren zerbitzuko egokitu;
• zure adierazpen gaitasunak, iniziatiba eta ardura hartzeak garatu;
• talde lana esperimentatu.

** Adingabekoekin edozoin funtzio betetzeko debekua dute:

- Ezgaitasun penala duten pertsonak (Familia eta akzio sozialeko kodigoko L. 133-6), beraz delitu batzueri lotua justiziako bilduma duten pertsonak;

- Prefetarengandik debeku edo kentze neurri administratiboa duten pertsonak (Familia eta akzio sozialeko kodigoko L. 227-10)

AIGA Uda Lekun

Gure AIGA ikastaldietan atxemanen duzu: 

• Barnategia: animazioan baitezpadakoa den talde biziaren esperientzia egiteko aukera ezin hobea baita. Barnategiak, talde dinamika eta Euskararen erabilpena azkartzen ditu ere.
• Euskara: euskaraz (edo elebidunez) animatzen gai izateko, euskaraz formatzea baitezpadakoa delako, formakuntza denborak euskaraz animatuak izanen dira.
• Hogei bat ikasle gehienik: elkar ezagutza, talde dinamika eta ikastaldiaren antolaketa errazteko, talde ertaina egokia iruditzen zaigulako
• Animazio arloan esperientzia duen formatzaile taldea: erregularki animatzaile edota zuzendari diren formatzaileak, problematika eta praktika eguneratuak partekatzeko gaitasuna ukateko. Uda Lekuk, formatzaileen formakuntza erregularra segurtzatzen du.

Beste:

• Laguntza ikastaldi pratikoa atxemateko
• Diru laguntzei buruzko informazioa
• Ordainketa errazteko aukera (ordainketa zatitua)
• Ikastaldi praktikoa gure elkartean egiteko aukera ukan dezakezu (baldintzapean)

Parte hartzaile kopurua

10 eta 25 parte hartzaileren artean, formakuntza gaiaren arabera.