Natura eta zaldiak maite dituzu? Egonaldi hau zuretzat egina da!
Aste osoan zehar, joko eta aktibitate desberdinen bitartez, Sarako inguruak, natura eta zaldien mundua hobeto ezagutzeko aukera izanen duzu, eta naturarekin egin daitezken hainbat aktibitate deskubrituko dituzu! Oihanean gaindi, erreka bazterretan, mendian.... hainbat altxor ditugu gure bazterretan!!!
Horrez gain, naturaz oraindik gehiago gozatzeko, zaldi gainean ibiltzeko aukera ukanen duzu 4 goizez, zaldi kurtsoak hartuz Olhaldea zalditegian. Lagun berrietaz eta naturaz gozatzeko prest?!?
Sarako udalak Animanea kirol zelaieko espazioa, aldagelak eta ospakizun gela gure esku uzten dizkigu kanpamendua bertan instalatzeko. 2-3 pertsonako oihal-etxolak ditugu. Eguraldi txarra kasuan, kirol zelaieko ospakizun gelan lo eginen dute haur eta animatzaileek.
2026-ko Uztailaren 19-tik 24-ra, igande goizetik ostirala arratsaldera.
QF < 1500 = 380 €
QF >1500 = 430 €
Gure egonaldietan euskara komunikatzeko hizkuntza da. Astean zehar, haur bakoitzaren hizkuntza gaitasuna garatzea dugu helburutzat; elkar bizitza momentu desberdinen bitartez eta proposatuko ditugun akitibitate eta jokoen bitartez.
Gure egonaldietan, euskara eskolatik eta famili guneetatik kanpo erabiltzeko parada eskaintzen dugu. Euskaraz jostatu, irri egin, jan, amestu,... hots, euskaraz biziko gira aste oso batez!
Egonaldiaren aktibitate nagusien osagarri, hainbat gauza egiteko aukera dute haurrek: mahain jokoak, eskulanak, kanpoko jolasak, atsedenak,... Haur bakoitzaren nahiak eta beharrak kontutan hartzen ditugu. Arrats guziz, nahi duten haurrentzat gaubela bat proposatua izanen da. Oporrak direlako!
Aktibitaeeri bezain bat, haur bakoitzaren izatearen errespetuari, talde giroari eta elkar bizitzari inportantzia haundia ematen dugu gure egonaldietan. Haur bakoitzaren nortasuna kontutan hartuz, talde dinamika goxoa piztea eta biziaraztea dugu helburu nagusi. Bakoitzaren erritmoa errespetatzeko asmoz, goizetan eta gauetan, atzartzeko eta oheratzeko denbora tarte bat proposatzen dugu. Haurren parte hartze aktiboa bultzatzen dugu, espazioaren antolaketan eta garbiketan, apairuentzat mahaia prestatzean eta biltzean, lo gelen garbitasunean. Animazio eta aktibitateen antolaketan ere haurrek haien proposamenak egiteko eta iritzia partekatzeko aukera dute.
14 eta 20 haurren artean.
Indarrean den legediaren arabera: Zuzendari bat (ZIGA-dun edo baliokide) eta 3 animatzaile (AIGA-dun edo baliokide).
Egonaldi honentzat lekurik ez dago gehiago!
Lapurdin kokatuak diren 4 bilgune ditugu. Bakoitzari buruzko xehetasun gehiagorako doakien atalera jo dezakezu.
