Itsas bazterreko aktibitateak eta ingurumena ezagutzeko aukera ematen duen egonaldia da hau. Surf kurtsoen bidez (1,5 ordu goizean), kostaldeko kirol famatua praktikatzeko aukera ematen diegu haur eta gazteeri. Baina itsas bazterrean ez da surf-a bakarrik! Beste hainbat aktibitate egin daitezke, natura eta ingurumena hobekiago ezagutuz, gozatzeko eta nola ez gehiago babesteko!
Txoko Les Deux Jumeaux kanpalekuan ditugu oihal-etxolak instalatuko. Itsas bazter-bazterrean eta surf eskolatik hurbil, kanpalekuak praktikotasun ainitz eskaintzen dizkigu.
3-4 pertsonako oihal-etxolak dira. Eguraldi biziki txarra bada, gure Hendaiako bilgunean lo egin dezakete haur eta animatzaileek.
2026-ko Uztailaren 19-tik 24-ra, igande goizetik ostirala arratsaldera.
QF < 1500 = 380 €
QF >1500 = 430 €
Gure egonaldietan euskara komunikatzeko hizkuntza da. Astean zehar, gazte bakoitzaren hizkuntza gaitasuna garatzea dugu helburutzat; elkar bizitza momentu desberdinen bitartez eta proposatuko ditugun akitibitate eta jokoen bitartez.
Gure egonaldietan, euskara eskolatik eta famili guneetatik kanpo erabiltzeko parada eskaintzen dugu. Euskaraz jostatu, irri egin, jan, amestu,... hots, euskaraz biziko gira aste oso batez!
Egonaldiaren aktibitate nagusien osagarri, hainbat gauza egiteko aukera dute gazteek: mahain jokoak, eskulanak, kanpoko jolasak, atsedenak,... Gazte bakoitzaren nahiak eta beharrak kontutan hartzen ditugu. Arrats guziz, nahi duten gaztenetzat gaubela bat proposatua izanen da. Oporrak direlako!
Aktibitaeeri bezain bat, gazte bakoitzaren izatearen errespetuari, talde giroari eta elkar bizitzari inportantzia haundia ematen dugu gure egonaldietan. Gazte bakoitzaren nortasuna kontutan hartuz, talde dinamika goxoa piztea eta biziaraztea dugu helburu nagusi. Bakoitzaren erritmoa errespetatzeko asmoz, goizetan eta gauetan, atzartzeko eta oheratzeko denbora tarte bat proposatzen dugu. Gazteen parte hartze aktiboa bultzatzen dugu, espazioaren antolaketan eta garbiketan, apairuentzat mahaia prestatzean eta biltzean, lo gelen garbitasunean. Animazio eta aktibitateen antolaketan ere gazteek haien proposamenak egiteko eta iritzia partekatzeko aukera dute.
14 eta 24 gazteren artean.
Indarrean den legediaren arabera: Zuzendari bat (ZIGA-dun edo baliokide) eta 3 animatzaile (AIGA-dun edo baliokide).
Egonaldi honentzat lekurik ez dago gehiago!
Lapurdin kokatuak diren 4 bilgune ditugu. Bakoitzari buruzko xehetasun gehiagorako doakien atalera jo dezakezu.
